Shqiptarët nga Kosova dhe shtete të tjera kanë mbërritur sot në Vlorë për të kremtuar Ditën e Pavarësisë, Ditën e Flamurit. Me kënaqësinë e bashkimit në këtë ditë dhe krenarinë, ata shprehën sot dhe një ndjenjë keqardhjeje për faktin se në Vlorë nuk kishin ardhur aq njerëz sa vitet e shkuara.
Një grup qytetarësh nga Prizreni thanë se vinin prej dhjetë vjetësh në Vlorë në këtë ditë. Me ta ishte edhe kryetari i komunitetit shqiptar të Zvicrës, që uroi dhe shpresoi se me kalimin e orëve ndoshta më shumë njerëz do të vinin për të festuar sot në Vlorë.
