Borxhi që bizneset kanë ndaj tatimeve vlerësohet në rreth 1 miliardë dollarë.
Shifra është bërë publike nga vetë administrata tatimore, e cila saktëson se një pjesë e këtyre detyrimeve nuk mund të quhen përfundimtare pasi janë në procese gjyqësore.
Deri në prill të vitit 2018, borxhi ka arritur në 104 miliardë lekë.
Borxhi tatimor arriti kulmin në fillim të vitit të kaluar kur kërceu në shifrën 1.4 miliardë dollarë.
Sipas një raporti zyrtar të vitit të kaluar, rreth 35% e borxhit tatimor i përket vetëm një grushti kompanish, kryesisht në fushën e naftës, por edhe kumarit.
