Nga 2020 do të mund të keni në dorë kartmonedhën 10 mijë lekëshe

Premte, 13 September 2019 17:24

Kartmonedha më e re 10 mijë lekë e cila do të dalë në qarkullim në 2020 do të ketë si portret poetin e mirnjohur Asdreni , do të ketë të gdhendura vargje nga himni kombëtar dhe do jetë në ngjyrë të kuqe. Drejtori i Departamentit të Emisionit në Bankën e Shqipërisë ka sqaruar se seria e re do të ketë elementë të lartë sigurie që shmangin mundësinë për falsifikim. Ndërkohë që prej 30 shtatorit në qarkullim do të hidhet prerja e re 200 lekë dhe 5 000 lekë.

Për herë të parë në 2020 shqiptarët do të kenë në dorë një kartmonedhë 10 mijë lekëshe. Seria e re e kartmonedhës prej 10 mijë lekësh do të ketë si portret poetin e mirënjohur Asdrenin, vargjet e himnit kombëtar dhe do të mbajë ngjyrën e kuqe si të flamurit.

Drejtori në Departamentin e Emisionit në Bankën e Shqipërisë sqaron se kjo do të jetë prerja e fundit dhe më e madhe që do të futet në qarkullim.

Virjon Lalollari: "Monedha 10 mijë lekë do të ketë si tematikën e saj himnin e flamurit të shoqëruar me një pasazh të himnit kombëtar dhe një pentagram të stilizuar dhe njëkohësisht do të shoqërohet me portretin e Asdrenit. Ngjyra dominante e kartmonedhës do të jetë e kuqja."

Ndërkohë në fund të muajit shtator në qarkullim do të hidhet seria e re e kartmonedhave 200 dhe 5000 lekë.

Drejtori i Emisionit në Bankën e Shqipërisë thotë se kartmonedhat ekzistuese do të vijojnë të përdoren krahas atyre të rejave.

Virjon Lalollari: "Karmonedhat e serisë ekzistuese 200 dhe 5000 lekë së bashku me kartmonedhat e reja 200 dhe 5000 lekë do të vazhdojnë të jenë në qarkullim dhe të kenë të njëjtën vlerë."

Seria e re e kartmonedhave është prodhuar nga kompani ndërkombëtare, një gjermane dhe një angleze.

Banka e Shqipërisë ka publikuar në ambientet e godinës qëndrore serinë e re të kartmonedhave ku çdo qytetar i interesuar mund ti shohë nga afër para se të hidhen në qarkullim.

Login to post comments

Lajmet e fundit

“Markat, ndikimi kryesisht nga Perëndimi”

Media

“Markat, ndikimi kryesisht nga Perëndimi”

Flet Era Xhabafti, zv.menaxhere e përgjithshme e kompanisë “Mini Invest Albania”   Ndonëse pandemia ka ndikuar në kërkesën për më shumë komoditet, kërkesat janë që edhe rehatia të jetë me marka. Kështu shprehet...

Çfarë do bëhet me dosjen ‘Xibraka’!

Politikë

Çfarë do bëhet me dosjen ‘Xibraka’!

Nga Flamur Vezaj: Dosja ‘XIBRAKA’ nuk ka vetëm emrin e Olsi Ramës! Aty ka edhe plot te tjerë, te njohur e te panjohur, biznesmen, ndërtues, kriminel e krerë bandash qe veprojnë akoma...

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Politikë

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Eksperti i ekonomisë, Zef Preçi, e konsideroi si një skemë të ngjashme me atë të inceneratorëve, atë të krijuar nga drejtorët e Erion Veliajt me kompaninë ‘5D’. Për emisionin “Task Force”...