Shqipëria vazhdon të mbahet nga emigrantët, sollën 926 mln euro në 2018

Saturday, 16 November 2019 17:19

Shqipëria rendit e 10 në Europë përsa i përket nivelit të të ardhurave që sjellin emigrantët. Edhe pse vitet e fundit ka pasur një zbehje të nivelit të ardhurave, përsëri shumë familje në vend jetojnë vetëm me remitancat.Sipas të dhënave të Eurostat emigrantët sollën në Shqipëri 926 mln euro gjatë 2018.Serbia rezulton se ka nivelin më të lartë të remitancave në rajon, ndërsa Shqipëria ka lënë pas Kosovën dhe Maqedoninë.

Shumë familje në Shqipëri kryesisht në zonat rurale vijojnë të mbahen me të ardhurat nga emigrantët.

Në një raport Eurostat konstatohet se Shqipëria zë vendin e tretë në rajon për nivelin e të ardhurave nga emigrantët dhe vendin e dhjetë në Europë.

Sipas të dhënave zyrtare në 2018 në vend kanë hyrë 926 mln euro gjithsej.

Remitancat kane qenë një pjesë e rëndësishme e ekonomisë shqiptare që prej rënies së komunizmit si pasojë e normës së lartë të emigracionit.

Në raport theksohet se mesatarja e remitancave gjatë 2017-2018 ishte 1.15 miliardë euro ose rreth 12% e GDP së vendit.

Rumania është vendi me nivelin më të lartë të remitancave që sjellin emigrantët dhe rezulton se gjatë 2018 ka përfituar 2.97 miliard euro, ndërsa në vend të dytë renditet Serbia me 2.95 miliard euro.

Shqipëria ndërkohë ka lënë pas vende si Kosova dhe Maqedonia e Veriut, të cilat gjatë 2018 kanë pasur përkatësisht 200 dhe 800 milionë euro.

Aktualisht, Shqipëria ka një nga nivelet më të larta të emigracionit në botë në krahasim me popullësinë e saj.

Sipas Kombeve të Bashkuara (2017), numri i migrantëve shqiptarë që aktualisht jetojnë dhe punojnë jashtë vendit vlerësohet në 1.15 milion.

Rreth 90% e emigrantëve shqiptarë jetojnë në Evropë, pjesa tjetër në ShBA.

Edhe vetë qeveria ka pranuar në strategjinë për diasporën se Shqipëria vazhdon të mbetet një shtet i varur nga dërgesat e emigrantëve, madje, pranohet se rënia e remitancave në vitin 2008 deri në vitin 2013 solli rritjen e varfërisë në vend.

Në të njëjtin dokument thuhet se vlera e remitancave shkon nga 9 deri në 15 për qind e të ardhurave për familjet në Shqipëri dhe me to sigurojnë ushqime, veshmbathje, ilaçe, apo përdoren për ndërtimin apo mobilimin e shtëpisë.

Login to post comments

Lajmet e fundit

“Markat, ndikimi kryesisht nga Perëndimi”

Media

“Markat, ndikimi kryesisht nga Perëndimi”

Flet Era Xhabafti, zv.menaxhere e përgjithshme e kompanisë “Mini Invest Albania”   Ndonëse pandemia ka ndikuar në kërkesën për më shumë komoditet, kërkesat janë që edhe rehatia të jetë me marka. Kështu shprehet...

Çfarë do bëhet me dosjen ‘Xibraka’!

Politikë

Çfarë do bëhet me dosjen ‘Xibraka’!

Nga Flamur Vezaj: Dosja ‘XIBRAKA’ nuk ka vetëm emrin e Olsi Ramës! Aty ka edhe plot te tjerë, te njohur e te panjohur, biznesmen, ndërtues, kriminel e krerë bandash qe veprojnë akoma...

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Politikë

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Eksperti i ekonomisë, Zef Preçi, e konsideroi si një skemë të ngjashme me atë të inceneratorëve, atë të krijuar nga drejtorët e Erion Veliajt me kompaninë ‘5D’. Për emisionin “Task Force”...