20 mln dollarë më pak/ Tatimet dështim rekord në muajin nëntor

Hënë, 09 December 2019 14:14

Financat e shtetit kanë marrë rrokullimën e pandalshme teksa institucioni kryesor i mbledhjes së të ardhurave, Tatimet, shënuan në nëntor një tjetër rekord negativ.

Të dhënat e brendshme konfidenciale tregojnë se vetëm për muajin nëntor administrata tatimore regjistroi një deficit rekord duke mbledhur 2 miliardë lekë ose 20 milionë dollarë më pak se plani.

Ndërsa qeveria është në nevojë më shumë se kurrë për para për të financuar dëmet katastrofike që la pas tërmeti i datë 26 nëntor, të ardhurat e shtetit janë në pikiatë.

Ky është mosrealizimi më i madh që është regjistruar ndonjëherë në administratën tatimore, i cili vë seriozisht në rrezik qëndrueshmërinë financiare të vendit.

 

Mosrealizimi

Gjysma e mosrealizimit rekord të shënuar muajin që lamë pas ka ardhur nga vetëm dy drejtori, që janë ajo e Tatimpaguesve të Mëdhenj dhe Drejtoria Rajonale e Tiranës.

Drejtoria e Tatimpaguesve të Mëdhenj, që ndryshe njihen si VIP-at, kryesohet nga Gjergji Smokthina, ndërsa ajo e Tiranës nga Borjana Shaka. Të dy krerët e departamenteve më të rëndësishme të administratës Tatimore njihen si njerëz të afërt të zëvendëskryeministrit Erjon Braçe dhe janë emëruar në këto detyra me propozimin e këtij të fundit.

Në fakt prej disa muajsh administrata Tatimore, drejtohet praktikisht nga Braçe dhe jo nga Ministria e Financave. Ky zinxhir paralel drejtimi është duke minuar institucionin e Tatimeve dhe qëndrueshmërinë financiare të shtetit.

Si drejtoria e VIP-ave ashtu edhe ajo e Tiranës për disa muaj më radhë kanë shënuar rezultatet më negative në historinë e tyre.

Vetëm në dy muajt e fundit drejtoria rajonale e Tiranës ka regjistruar një mosrealizim prej 17 milionë dollarësh, ndërsa si 11 mujor kjo drejtori ka një mosrealizim prej 34 milionë dollarësh. Drejtoria Tatimore e Tiranës dhe ajo e VIP-ave janë burimet kryesore të të ardhurave që mbledhin Tatimet.

Rezultatet negative të shënuara në Nëntor pritet të thellojnë edhe më shumë gropën e buxhetit të shtetit, që ndodhet në vështirësi të thellë financiare.

Login to post comments

Lajmet e fundit

“Markat, ndikimi kryesisht nga Perëndimi”

Media

“Markat, ndikimi kryesisht nga Perëndimi”

Flet Era Xhabafti, zv.menaxhere e përgjithshme e kompanisë “Mini Invest Albania”   Ndonëse pandemia ka ndikuar në kërkesën për më shumë komoditet, kërkesat janë që edhe rehatia të jetë me marka. Kështu shprehet...

Çfarë do bëhet me dosjen ‘Xibraka’!

Politikë

Çfarë do bëhet me dosjen ‘Xibraka’!

Nga Flamur Vezaj: Dosja ‘XIBRAKA’ nuk ka vetëm emrin e Olsi Ramës! Aty ka edhe plot te tjerë, te njohur e te panjohur, biznesmen, ndërtues, kriminel e krerë bandash qe veprojnë akoma...

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Politikë

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Eksperti i ekonomisë, Zef Preçi, e konsideroi si një skemë të ngjashme me atë të inceneratorëve, atë të krijuar nga drejtorët e Erion Veliajt me kompaninë ‘5D’. Për emisionin “Task Force”...