Për të krijuar imazhin se veprat ishin të rëndësishme, dikur ato që zinin një sipërfaqe të mëdha, ruheshin me reparte të posaçme sigurimi. Të tilla ishin kombinati “Çeliku i partisë” Elbasan, kombinati i drurit në Shkodër, azotiku në Fier, etj. Karakteristikë për vëmendjen e treguar ishte fakti se veprat e këtij lloji ishin me humbje të jashtëzakonshme ekonomike. Vetëm për sigurimin e kombinatit të Elbasanit shërbente një efektiv prej 190 personash, oficerë, nënoficerë dhe ushtarë të shërbimit të detyrueshëm ushtarak. Në perimetrin e kombinatit ishin ndërtuar kulla shërbimi të cilat i jepnin popullit përshtypjen se “armiku” synonte t’i godiste këto “mrekulli”. Një vijë jo e vogël e këtij perimetri mund të shihej nga linja hekurudhore me mjaft lehtësi, përfshi edhe kullat e rojës. Ky shërbim vijoi deri në vitin 1991.