U formua fillimisht në Ishull Lezhë në vitin 1968 me synim kryerjen e punimeve në bujqësi. Në vitin 1970 këtu punonin në bujqësi 301 të burgosur. Reparti u mbyll në vitin 1972.
Më 17.1.1972 u krijua Reparti nr.325 Tiranë në rrugën “Ali Demi”. Qëllimi i ngritjes së kampit ishte për ndërtime banesash. Statistika e vitit 1969 tregon se këtu punonin 301 të dënuar ordinerë. Në vitet 1983 e 1984 në repart vërehet edhe prania e ndonjë të dënuari politik. Në vitin 1985 punonin 2 të dënuar politikë dhe 168 të dënuar ordinerë. Në janar 1987 në repart ishin 180 të dënuar ordinerë. Në vitin 1988 në repart punonin 118 të burgosur politikë dhe 165 të dënuar ordinerë. Në vitin 1990 këtu erdhën gratë e dënuara të Repartit nr.318 Kosovë, duke themeluar kështu burgun e grave në sistemin e re, i cili vijon të jetë i hapur edhe sot.
