Aktakuza ndaj zyrtarit të FBI tregon se oligarku ka infiltruar në nivelet më të larta të qeverisë

Tuesday, 31 Janar 2023 08:29

Manjati rus i aluminit, Oleg Deripaska e vlerësonte shumë çdo informacion komprometues për kundërshtarin e tij, me të cilin ishte në konflikt për aksionet.

Ky është përfundimi që mund të nxirret nga studimi i aktakuzës së FBI kundër Charles McGonigal, i cili, sipas aktakuzës, drejtonte njësinë e kundërzbulimit në Nju Jork. McGonigal është një ish-zyrtar i rangut të lartë të FBI, i cili ishte përfshirë në punën e kundërzbulimit dhe në hetimet kundër oligarkëve rusë

Zyra e Prokurorit të SHBA për Distriktin Jugor të Nju Jorkut e akuzon atë për anashkalim të sanksioneve dhe komplot për pastrim të fondeve. Zoti Deripaska përmendet pothuajse në çdo paragraf të dokumentit prej 21 faqesh. Aktakuza, e nënshkruar nga prokurori Damian Williams, thotë se përpjekjet për të hequr Deripaskën nga lista e sanksioneve të SHBA janë bërë nga McGonigal në vitin 2019. Pagesa ishte 25 mijë dollarë në muaj përmes një firme guaskë.

Zoti Deripaska, manjati i aluminit, ka qenë në radarin e autoriteteve amerikane prej vitesh dhe është ende nën sanksione. Departamenti i Thesarit tha se ai ka lidhje me krimin e organizuar.

Rebecca Davis O’Brien, që mbulon zbatimin e ligjit dhe gjykatat në Nju Jork, shkroi: “Për vite me radhë, zoti Deripaska, 55 vjeç, ka punësuar një ushtri të vogël lobistësh, avokatësh, konsulentësh dhe fiksuesish për të mbrojtur biznesin dhe interesat e tij personale dhe për të siguruar akses në vendet perëndimore”.

Për vitin 2021, zyra e prokurorit federal të Nju Jorkut paditi një numër prej këtyre individëve për ndihmën e dhënë për ët anashkaluar sanksionet.

Emri i personit kundër të cilit ish-agjenti i FBI, sigurisht jo pa ndihmën e kolegëve të tij, supozohej të mblidhte informacione të ndjeshme, nuk bëhet i ditur. Në dokument ai shfaqet me emrin e koduar Oligarku 2. Megjithatë, pas këtij formulimi, mund të merret me mend se bëhet fjalë për Vladimir Potanin, i cili është kundërshtar i zotit Deripaska në mosmarrëveshjen afatgjatë për aksionet në kompaninë Norilsk Nickel.

Nga aktakuza nuk është e qartë se si zoti McGonigal hyri në radarin e zotit Deripaska.

Sipas aktakuzës kundër zotit McGonigal, ndërsa ai ishte ende duke punuar për byronë në vitin 2018, Sergey Shestakov- një ish-diplomat dhe përkthyes sovjetik dhe rus, i cili është paditur për këtë rast, e prezantoi zotin McGonigal me email me një punonjës të zotit Deripaska. Ai person identifikohet në akuzë si Agjenti 1 dhe përshkruhet si një ish-diplomat sovjetik dhe i Federatës Ruse.

Në vitin 2017, Associated Press botoi një artikull duke pretenduar se zoti Deripaska i ka paguar 10 milionë dollarë lobistit amerikan Paul Manafort në vitet 2007-2009 për të promovuar interesat e tij në Shtetet e Bashkuara. Pothuajse në të njëjtën kohe, NBC publikoi një lajm për një hua prej 60 milionë dollarësh që strukturat e Deripaskës dyshohet se u kanë dhënë kompanive të lidhura me Manafort.

Zoti Deripaska u pasurua në vitet ’90, kur pati një luftë për kontrollin e burimeve të mëdha nëntokësore të Bashkimit Sovjetik dhe fitoi një reputacion si njeri i pamëshirshëm dhe me emër të keq.

Ai gjithashtu ndërtoi marrëdhënie me politikanë dhe figura të tjera kyçe në Perëndim, veçanërisht në Britani, Europë dhe SHBA, duke përfshirë edhe mikpritësit e Forumit Ekonomik Botëror në Davos

Modifikuar më Tuesday, 31 Janar 2023 20:15
Login to post comments

Lajmet e fundit

Këlliçi kafe me akademikun Apollon Baçe: Çfarë mund të shpëtojmë nga Tirana jonë e bukur më 14 maj

Politikë

Këlliçi kafe me akademikun Apollon Baçe: Çfarë mund të shpëtojmë nga Tirana jonë e bukur më 14 maj

Kandidati i Partisë Demokratike i dalë nga primaret për Bashkinë e Tiranës, Belind Këlliçi është takuar me akademikun e mirënjohur Apollon Baçe. ‘Çfarë mund të shpëtojmë nga Tirana jonë e bukur...

Mjekët e infermierët braktisin vendin, VOA: Shqipëria në vështirësi për fuqi punëtore të kualifikuar

Politikë

Mjekët e infermierët braktisin vendin, VOA: Shqipëria në vështirësi për fuqi punëtore të kualifikuar

Në Shqipëri, zhvillimi me shpejtësi vitet e fundit i sektorit të turizmit dhe atij të ndërtimit ka nxjerrë në pah nevojën për më shumë specialistë dhe punonjës të kualifikuar, që...

Takimi i zjarrtë në Kurbin, Behar Haxhiu mesazh demokratëve dhe rivalëve

Politikë

Takimi i zjarrtë në Kurbin, Behar Haxhiu mesazh demokratëve dhe rivalëve

  Kandidati i koalicionit opozitar "Bashkë Fitojmë" për bashkinë e Kurbinit, Behar Haxhiu, ka falenderuar mbështetësit dhe bashkëqytetarët për pritjen e zjarrtë që i rezervuan kryetarit të PD, Sali Berisha.  Ai shkruan...