Kundërshtari më i madh i diktatorit rus/ Zbulohet se pse ndërroi jetë i burgosuri politik Alexei Navalny

Saturday, 17 February 2024 00:26

BILD

Armiku më i ashpër i Putinit, Alexei Navalny mesa duket ka vdekur.  

 

Kritiku i njohur i Kremlinit vdiq në paraburgim, raporton agjencia shtetërore ruse Tass, duke cituar autoritetet e burgjeve të vendit.

Autoritetet e Kremlinit pretendojnë se Navalny u rrëzua të premten, ndërsa po ecte në koloninë penale në rajonin polar të Rusisë. 

Dyshohet se janë bërë përpjekje për ta ringjallur, por më kot. Raportet e pakonfirmuara thonë se ai vdiq nga shpërthimi i një mpiksje të gjakut.

Zëdhënësja e Alexei Navalny-t, Kira Yarmysh tha se nuk ka ende një konfirmim për vdekjen e tij. Avokati i tijë shtë rrugës për në kampin-burg.

Navalny konsiderohej si kundërshtari më i madh i diktatorit rus, Vladimir Putin.

Navalny ishte në paraburgimin rus që nga viti 2021. Akuza ndaj tij: ekstremizëm.

Navalny klasifikohej ndërkombëtarisht si i burgosur politik.

Figura kryesore e opozitës, ishte ankuar edhe për tortura në paraburgim.

Ai i kishte shpëtuar për pak një atentati ndaj tij në vitin 2020, ku u përdor agjenti kimik i luftës Novichok.

Navalny kishte fajësuar Putinin dhe një skuadër speciale vrasësish të shërbimit sekret vendas FSB për këtë sulm.

Në të kaluarën ka pasur raportime të përsëritura për përkeqësimin e shëndetit të tij. Në janar të vitit 2023, 290 mjekë rusë shkruan një letër të hapur për shefin e Kremlinit, Vladimir Putin, ku theksonin se Navalny duhej trajtuar. “Kushtet e paraburgimit dhe pamja fizike e tij na shkaktojnë shqetësim të madh për jetën dhe shëndetin e tij,” thuhet në një deklaratë.

Mjekët kërkuan ndër të tjera që mjekët të lejohen të takohen me liderin e njohur të opozitës që t’i jepet fund keqtrajtimit të Alexei Navalnyt.

Login to post comments

Lajmet e fundit

“Markat, ndikimi kryesisht nga Perëndimi”

Media

“Markat, ndikimi kryesisht nga Perëndimi”

Flet Era Xhabafti, zv.menaxhere e përgjithshme e kompanisë “Mini Invest Albania”   Ndonëse pandemia ka ndikuar në kërkesën për më shumë komoditet, kërkesat janë që edhe rehatia të jetë me marka. Kështu shprehet...

Çfarë do bëhet me dosjen ‘Xibraka’!

Politikë

Çfarë do bëhet me dosjen ‘Xibraka’!

Nga Flamur Vezaj: Dosja ‘XIBRAKA’ nuk ka vetëm emrin e Olsi Ramës! Aty ka edhe plot te tjerë, te njohur e te panjohur, biznesmen, ndërtues, kriminel e krerë bandash qe veprojnë akoma...

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Politikë

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Eksperti i ekonomisë, Zef Preçi, e konsideroi si një skemë të ngjashme me atë të inceneratorëve, atë të krijuar nga drejtorët e Erion Veliajt me kompaninë ‘5D’. Për emisionin “Task Force”...