Bruksel, fermerët derdhin pleh dhe panxharë për të protestuar kundër politikës bujqësore të BE

Premte, 29 Mars 2024 12:17

Bruksel - Policia përdori gaz lotsjellës dhe topa uji për të ndalur dhunën pasi shpërtheu flaka në hyrje të një stacioni metroje.

Protestat e fermerëve në Bruksel u shndërruan në të dhunshme këtë javë pasi ministrat e bujqësisë të BE-së u takuan për të shuar krizën në vazhdim. 

 

Mitingje disamujore janë zhvilluar në të gjithë Evropën nga Finlanda në Greqi, Poloni dhe Irlandë. Demonstratat shpërthyen sërish  në Bruksel këtë javë kur fermerët hodhën panxhar, spërkatën policinë me pleh organik dhe ndezën sanë pranë selisë së Bashkimit Evropian.

Policia përdori gaz lotsjellës dhe topa uji për të mbajtur nën kontroll dhunën. Fermerët vunë zjarr në  hyrje të një stacioni metroje dhe një person u arrestua pasi hodhi kokteje molotov ndaj personelit të sigurisë.

Dhjetra traktorë mbyllën rrugët ndërkohë që 27 ministra të fermave të BE-së u takuan që të ndërmarrin masa për të qetësuar krizën. Kishte më pak pjesëmarrje se gjatë mitingjeve të shkurtit, por arsyet e protestave mbeten njësoj - kundërshtimi ndaj politikës mjedisore dhe importet e lira të ushqimit nga Ukraina.

“Dhuna, zjarrvënia dhe shkatërrimi gjatë protestave janë të papranueshme”, tha Ministrja e Brendshme Annelies Verlinden, duke këmbëngulur se fajtorët do të ndiqen penalisht.Image

Të martën, më 26 mars 2024, fermerët protestues hodhën një ngarkesë me patate në një bulevard kryesor gjatë demonstratës jashtë ndërtesës së Këshillit Evropian në Bruksel.

Pse fermerët po protestojnë në të gjithë Evropën?

Fermerët po protestojnë kundër asaj që ata e shohin si burokraci të tepërt dhe rregullave të padrejta, duke përfshirë shumë politika mjedisore. Aksioni i tyre i pandalurnë të gjithë bllokun kafituar tashmë disa lëshime, duke përfshirë lehtësimin e rregullave të pesticideve.

Një plan i madh i BE-së për të mbrojtur natyrën u shty për një kohë të pacaktuar të hënën, duke treguar ndikimin që këto demonstrata kanë.

Shtetet anëtare duhej të jepnin miratimin përfundimtar mbi projektligjin tashmë të zbutur, por, me zgjedhjet evropiane që priten në qershor, Ligji për Restaurimin e Natyrës është pezulluar për momentin.

Ai ligj është pjesë kyçe e Marrëveshjes së Gjelbër Evropiane, e cila synon ta bëjë Evropën, kontinentin e parë neutral ndaj klimës deri në vitin 2050.

ImageImageImageImageImageImageImageImage

 
Login to post comments

Lajmet e fundit

Rubin Dashi: Rilindje e ringjallur në thelb të kalbur!

Politikë

Rubin Dashi: Rilindje e ringjallur në thelb të kalbur!

Nga Rubin Dashi: Rilindje e ringjallur në thelb të kalbur! Në një vend ku demokracinë e shfaq të lulëzuar, Edi Rama përpiqet të riciklojë Partinë Socialiste, duke e prezantuar si një forcë...

Vrasja e Egli Progës në Pogradec/ Del ekspertiza mjeko-ligjore: Dëmtime në pjesë të ndryshme të trupit

Kronikë

Vrasja e Egli Progës në Pogradec/ Del ekspertiza mjeko-ligjore: Dëmtime në pjesë të ndryshme të trupit

    Instituti i Mjekësisë Ligjore ka përfunduar ekspertimin mjeko-ligjor për 42-vjeçarin Egli Proga, i cili u rrah për vdekje më 10 gusht në një lokal në Pogradec. Në akt-ekspertim përshkruhen dëmtimet e...

Dr. Alk Shehu sot mori titullin „Kardiolog“

Politikë

Dr. Alk Shehu sot mori titullin „Kardiolog“

Dr. Alk Shehu sot mori titullin „Kardiolog“, duke perfunduar specializimin 6 vjecar ne “Kardiologji e Mjekesi Interne”!Ne Gjermani mbas nje aktiviteti spitalor, studimi, impenjim e pune.Mbas nje aktiviteti te gjere...