Ish-presidenti amerikan dhe kandidati republikan përpara zgjedhjeve të nëntorit, Donald Trump është ende përpara Kamala Harris, sipas një sondazhi të fundit të kryer nga Rasmussen Reports.
Sondazhi telefonik dhe online zbuloi se 49 % e votuesve të mundshëm amerikanë do të votonin për Trump, ndërsa 44 % do të votonin për Harris. Në të njëjtën kohë, 4% e pjesëmarrësve thanë se do të votonin për një kandidat tjetër dhe 2% mbeten të pavendosur.
Një javë më parë, Trump udhëhoqi sondazhet përballë Harris me shtatë pikë, 50% me 43%, në sondazhin e parë që kur Joe Biden njoftoi se do të tërhiqte kandidaturën e tij për rizgjedhje.
Sondazhi i Rasmussen Reports u krye nga 24-25 korrik me 2,163 qytetarë amerikanë që thanë se synojnë të votojnë në zgjedhjet presidenciale. Marzhi i gabimit është dy pikë.
Biden vendosi të mos kandidojë për rizgjedhje mes shqetësimeve për shëndetin e tij dhe propozoi si zëvendësuese të tij zëvendëspresidenten e SHBA-së Kamala Harris, e cila ende nuk e ka fituar zyrtarisht nominimin e Partisë Demokratike, megjithëse thuhet se ka mbledhur mjaftueshëm mbështetje brenda partisë.
