Sa shpesh duhet ndërruar këllëfi i jastëkut? Kjo është një pyetje që të gjithëve na ka shkuar të paktën një herë në mendje. Duhet të dini që këllëfi i jastëkut është një fole mikrobesh. Aty akumulohen të gjitha papastërtitë e flokëve, vaji, djersa, produktet e flokëve, hidratuesi apo kremi i natës. Prandaj, e mira është që këllëfi të ndërrohet shpesh, sado strike të jetë higjena juaj.
Perfekte do të ishte që këllëfi të ndërrohet çdo dy ditë, duke fjetur një herë nga njëra anë, një herë nga tjetra. Nëse ju duket e tepërt mund ta ndërroni edhe më rrallë, por jo më pak se një herë në javë, nëse dëshironi të mbani një higjenë të mirë.
