"Vendimi i Arabisë Saudite kundër Vllazërisë Muslimane është politik"

Premte, 27 November 2020 11:29

 

Ismail Numan Telci, profesor në Universitetin Sakarya, dhe nënkryetar në Qendrën për Studime të Lindjes së Mesme (ORSAM) tha se Princi saudit i Kurorës Muhamed bin Salman përdor Këshillin e Dijetarëve të Lartë për të arritur qëllimet politike

Zehra Nur Düz |
24.11.2020
"Vendimi i Arabisë Saudite kundër Vllazërisë Muslimane është politik"

Pas vendimit të fundit të trupit fetar të Arabisë Saudite, që caktoi Vëllazërinë Muslimane, lëvizjen politike dhe shoqërore, si një grup terrorist, ekspertët besojnë se ky hap ishte një vendim politik i marrë me porosinë e Princit të Kurorës, Muhammed bin Salman.

Duke folur për Anadolu Agency (AA), Ismail Numan Telci, profesor në Universitetin Sakarya, dhe gjithashtu nënkryetar në Qendrën për Studime të Lindjes së Mesme (ORSAM), tha se Princi Salman në masë të madhe ka marrë kontrollin e Këshillit të Dijetarëve të Lartë (KDL), i cili është një nga shtyllat më të rëndësishme të shtetit saudit.

"Vendimi i fundit i KDL-së tregon se Salman tani mund ta përdorë këtë institucion fetar plotësisht në përputhje me qëllimet e tij politike", tha ai.

Në rrethana normale, nuk do të ishte e mundur që këshilli, organi më i lartë fetar në vend, të merrte një vendim të tillë kundër Vëllazërisë Muslimane, e cila ka një rrënjë të madhe në botën muslimane.

Sipas Telci, KLD nuk është më një institucion i ligjshëm, pasi shumë prej anëtarëve të tij janë burgosur dhe zëvendësuar nga ata që punojnë drejtpërdrejt nën urdhrat e Salman.

Studiuesi tha se një faktor prapa vendimit të Këshillit të Dijetarëve të Lartë mund të jetë rezultati i zgjedhjeve të fundit presidenciale në SHBA.

Administrata saudite e kuptoi këtë që sapo presidenti i zgjedhur Joe Biden të marrë detyrën, administrata amerikane mund të ndryshojë qëndrimin e saj ndaj Vëllazërisë Muslimane. SHBA mund të mos jetë aq e ashpër sa ishte gjatë epokës së Donald Trump, tha Telci.

Ai tha se përkundër të gjitha përpjekjeve, Arabia Saudite nuk arriti që të bindte SHBA-në të shpallin Vëllazërinë Muslimane si organizatë terroriste deri më tani.

Në lëvizjet e saj të fundit, Arabia Saudite po kërkon shtigje për të bërë presion ndaj Trumpit për të caktuar Vëllazërinë Muslimane si një organizatë terroriste para se të largohet nga zyra, shtoi Telci.

Ky vendim gjithashtu shpjegon prioritet rajonale të Arabisë Saudite. Eksperti vuri në dukje se vendimi nënkupton që qeveria saudite do të vazhdojë mbështetjen e saj për politikat izraelite kundër Vëllazërisë në rajon. Vendimi synon gjithashtu të nxisë vende si Turqia dhe Katari, të rishikojnë qëndrimin e tyre të moderuar ndaj Vëllazërisë Muslimane.

Më 10 nëntor, KLD lëshoi një deklaratë në të cilën përcaktonte Vëllazërinë Muslimane si një grup terrorist, duke e akuzuar atë si faktor destabilizues në rajon.

Pesë ditë më vonë Izraeli e mirëpriti këtë vendim. "Jemi të lumtur ne në Izrael të shohim një qasje të tillë që qëndron kundër shfrytëzimit të fesë për nxitje dhe kryengritje", u shpreh Ministria e Jashtme izraelite në Twitter.

"Kemi shumë nevojë për një diskurs që bën thirrje për tolerancë dhe bashkëpunim në rajon", shton deklarata.

- Bashkëpunimi mes Arabisë Saudite dhe Izraelit

"Mbështetja e Izraelit për vendimin e Arabisë Saudite kundër Vëllazërisë Muslimane tregon se ajo është bërë një nga dimensionet e rëndësishme të bashkëpunimit të qartë midis dy vendeve", tha Telci.

Izraeli e sheh deklaratën saudite si mbështetje të shtypjes kundër grupit palestinez të rezistencës Hamas, i cili shihet më afër Vëllazërisë Muslimane në mendime.

Izraeli nisi tre ofensiva të mëdha ushtarake kundër Hamasit në Rripin e Gazës në vitet 2008, 2012 dhe 2014 dhe ende imponon një bllokadë të ashpër në territorin palestinez, të drejtuar nga Hamasi.

Deklarata e KLD ka shkaktuar reagime të ashpra në botën arabe dhe muslimane.

Vëllazëria Muslimane theksoi se ajo ka qenë gjithmonë një viktimë e dhunës dhe regjimeve diktatoriale.

Duke folur për AA, Talat Fehmi, zëdhënësi i Vëllazërisë Muslimane, tha se organizata në fjalë nuk është terroriste, por një organizatë reformiste.

E themeluar në vitin 1928, Vëllazëria Muslimane u fut në listën e zezë nga autoritetet egjiptiane në vitin 2013 pas rrëzimit të Mohamed Morsit, presidentit të parë të Egjiptit të zgjedhur në mënyrë demokratike, pas një grusht shteti ushtarak të udhëhequr nga gjenerali i atëhershëm ushtarak Abdel Fattah al-Sisi.

Në maj të këtij viti, Ministria e Brendshme e Arabisë Saudite kishte caktuar zyrtarisht Vëllazërinë Muslimane si organizatë terroriste.

Modifikuar më Premte, 27 November 2020 18:20
Login to post comments

Lajmet e fundit

Digjet një tjetër makinë në tunelin e rrugës Tiranë-Elbasan

Kronikë

Digjet një tjetër makinë në tunelin e rrugës Tiranë-Elbasan

Një automjet tip “Benz-Mercedes” është djegur mesditën e sotme në hyrje të tunelit të Krrabës.   Fatmirësisht, drejtuesi dhe udhëtarët s’kanë pësuar dëmtime. Në vendngjarje kanë shkuar forca zjarrfikëse dhe ambulanca. Si pasojë është...

Oscars 2024/ Emma Stone shpallet aktorja më e mirë

Globi

Oscars 2024/ Emma Stone shpallet aktorja më e mirë

Emma Stone pranoi Oscar-in e saj të dytë të dielën në 96-vjetorin e Çmimeve të Akademisë. Performanca e Stone si Bella Baxter në filmin e vlerësuar nga kritikët “Poor Things” i ka...

U plagos pak më parë në qendër të Fierit, ndërron jetë në spital 19-vjeçari

Kronikë

U plagos pak më parë në qendër të Fierit, ndërron jetë në spital 19-vjeçari

Një konflikt ka ndodhur pak minuta më parë në qendër te qytetit te Fierit.  Disa persona janë grindur mes tyre dhe pasi debati ka agravuar në përleshje fizike një prej tyre...