Gjatë fjalës së tij në grupin parlamentar, kryetari i PD-së, Sali Berisha foli edhe për rritjen e rrogave, duke u shprehur se, hapi i parë dhe prioritet do të jetë vendosja e minimumit jetik.
‘Tani kam një problem me rendin e ditës. Çështja e rrogave.
Të dashur deputetë, unë do shpreh mendimin tim përpara jush.
Emergjencë e të gjitha emergjencave për mua është votimi i minimumit jetik.
Ne, duhet të votojmë minimumin jetik të përllogaritur nga Avokati i Popullit.
Avokati i Popullit ka përdorur ekspertët më të mirë dhe ka gjetur se minimumi jetik aktualisht në Shqipëri është 200 euro.
Ndaj dhe ne do të kërkojmë në mënyrë të prerë, hapi i parë drejt rritjes së rrogave duhet të fillojë me vendosjen e minimumit jetik.
E kemi premtuar edhe gjatë fushatës. Shqipëria i ka të gjitha kushtet për ta përballur.
Minimumi nënkupton që nuk ka shqiptar që nuk do ketë të paktën 200 euro për pagën e tij.
Nuk është e vërtetë se kjo është për 3 milionë shqiptarë, kjo është shtesë mbi pensionet, mbi ndihmën ekonomike, por kjo është plotësisht e përballueshme.
Ndaj ne do bëjmë në parlament një betejë të fuqishme për të mos filluar nga rritja e rrogave për deputetët dhe ministrat, por duke filluar me minimumin jetik.
Mendoj të përgatisim amendamentin dhe nesër kjo do jetë tema jonë kryesore në parlament’, deklaroi kryetari i PD-së, Sali Berisha gjatë mbledhjes së grupit parlamentar.
