Turistja është kafshuar në këmbë, siç duket dhe nga pamjet. Ajo po vraponte, por duket se qenve u është dukur armiqësore dhe jo një, por katër prej tyre e kanë ndjekur. E frikësuar sa s’bëhet, vajza e ka shtuar vrapin për të shpëtuar.
Ndërsa i merrej fryma, dëgjonte një qytetar që i thërriste në shqip: Mos vrapo, se të ndjekin më shumë!
Mirëpo turistja, që s’i duket nuk qe stërvitur mirë për ata qen të rrahur nga era e shiu rrugëve të Vlorës, nuk i ka shpëtuar kafshimit në këmbë.
Vlonjatë dhe të tjerë aty afër, të gjindur si askush në botë kur ke hall, i kanë dhënë ndihmën e parë duke ia dezinfektuar plagën me raki!
Ministres së Kultures, Mirela Kumbaro, mbeten t’i këndojnë nja dy këngë labçe: “Lidhi qentë, ti moj qene”, se t’i hëngrën turistët! Kjo është Shqipëria, për të qarë e për të qeshur!
