Kryetari i Partisë Demokratike Lulzim Basha ka zhvilluar një takim me tregtarët, të cilët janë në vështirësi dhe në rrezik falimentimi nga vendosja TVSH.

Basha i përgëzoi tregtarët për protestën me uljen e qepenave. “Duam t’ju përgëzojmë për aksionin që morët para dy ditësh për uljen e qepeni. Duam t’ju themi se e keqja largohet vetëm duke u ngritur. Ne ju sigurojmë se do të na keni në krah për çdo gjë. Nuk do ta lemë kurrë vetëm biznesin e vogël.” – u shpreh kreu demokrat.

 “Jam këtu për të takuar tregtarët për të bërë dhe një bashkëbisedim. Shumë nuk e dinë se çfarë shkatërrimi sjell rritja e TVSH-së. Qeveria po mundohet ta mbulojë me propagandë duke iu thënë bizneseve të vogla se nuk kanë për tu paguar. Po nëse s’kanë për ta paguar pse i fut në skemën e TVSH?” – tha Basha gjatë bashkëbisedimit me ta.

“TVSH për biznesin e vogël do të rrisë koston tuaj si biznes sepse do të punësoni kontabilistin për të mbajtur bilancin ndaj do të rrisë koston. Do t’ju shkatërrojë familjen deri sa t’ju detyrojë ta mbyllni” – tha ndër të tjera kryetari i Partisë Demokratike, Lulzim Basha.