Vazhdon protesta e aktorëve për mos prishjen e Teatrit Kombëtar.

Aktori Romir Zalla ka shprehur mendimin e tij në protestën e sotme, i cili ka thënë se ka në dorë vetëm fjalën. Pasi nuk ka pushtet e aq më pak para për ta ndaluar këtë që po u bëhet aktorëve.

Zalla tha se teatri ka më shumë se 20 vite që po rrënohet.

Dhe e gjithë kjo ven si pasojë e ndarjes që iu është bërë artistëve. “Ne na kanë ndarë në të vjetër dhe në të rinj, me rrogë pa rrogë, të jashtëm të brendshëm, të kuq të me ngjyrë blu. Teatri po prishet çdo ditë.”

Aktori tha se politika nuk mund të tregohet arrogante me artistët. “Ti mund të tregohesh arrogant me kuksianët, me minatorët, me mësuesit, me mjeket, inxhinierët, që kanë ngelur pa tekst, por kujdes po bëhesh arrogant me artistët.”

Gjithashtu ai shtoi se e di se çfarë do të bëhet me ndërtimin e teatrit të ri. ”Një kioskë ultra-moderne, një çakmak me shtatë shishe uiski të shtrenjta”, tha ai.

Gjithashtu akuzoi qeverinë se disa aktorë janë pikasur prej saj dhe do u ofrohen lekë dhe shtëpi,  për të mos folur kundër prishjes së Teatrit Kombëtar.