Edhe pse Holanda ishte kundër hapjes së negociatave të Shqipërisë, Rama e dekori ambasadoren shqiptare në Amsterdam për merita të veçanta në këtë vendimmarrje.

Bashkë me ambasadoren në Holandë u thirrën për urgjencë edhe diplomatët e akredituar në Hagë, Bruksel, Paris dhe Berlin, në përpjekje për t’i dhënë frymë propagandës qeveritare dhe festimeve për gjoja hapjen e negociatave.

Duke ndjekur këtë logjikë të kreut të qeverisë gjithkujt i lind e drejta të mendojë se tashmë ka ardhur koha edhe dekorimi i Saimir Tahirit për merita të veçanta për ‘kanabizimin’ e vendit.

Sigurisht që edhe Arben Ahmetaj duhet të dekorohet për arritjet e mëdha për dyfishimin e taksave, falimentimin e biznesit në vend dhe shkatërrimin e ekonomisë shqiptare.

Edhe Bushatit i lind e drejta që të kërkojë një dekoratë për faljen e detit dhe braktisjen e “Çamërisë” në bisedimet me Greqinë.

Natyrisht që edhe Lindita Nikolla e meriton një medalje për shkatërrimin e sistemit arsimor në vend apo edhe Mirela Kumbaro meriton të gjitha dekoratat e mundshme për merita të veçantë në vënien e minave artit dhe kulturës në vend.

Lista e dekoratave të larta që Rama duhet të shpërndajë është e pafund për të gjithë ministrat e tij. Sepse të gjithë kanë merita të veçanta për shkatërrimin e këtij vendi.