Kryetarja e Lëvizjes Socialiste për Integrim, Monika Kryemadhi, deklaroi pak më parë se “krimi e shikon politikën si mjet për të kontrolluar sistemin”, ndërsa “politika tashmë është bërë argate e krimit”.
“Kriminelët duhet të shkojnë në burg, jo të hiqen nga politika dhe të fitojnë tendera. Krimi e shikon politikën si mjet për të kontrolluar sistemin. Dëgjojmë që kriminelët që janë në kërkim bëjnë sherre nëpër klube dhe nuk del asnjë njoftim. Ndërsa politika tashmë është bërë argate e krimit. Ka prezencë kriminelësh në zyrat e shtetit. Jo krimineli vetë në zyrë, por e dashura, motra ose bashkëshortja e tij”, deklaroi Kryemadhi.
