Lideri i opozitës Lulzim Basha ka treguar se çfarë do të bënte nëse do të ishte Kryeministër me pjesën e shtëpive të banorëve që nuk janë të legalizuara te Unaza e Re.
Ai tha se do të dëmshpërblente 100% banorët.
"Çfarë do të bënim ne? Ne do të zbatonim ligjin. Do të bënim konsultimin publik dhe pas marrjes së mendimit të banorëve dhe do të bënim shpronësimet dhe kjo ka ndodhur, siç kemi bërë me një pjesë të projektit të Unazës së Madhe. Banorët nuk janë lajmëruar vetëm se një ditë kanë parë shenjat e ARRSH-së dhe u thonë që kjo banesë do prishet se e kap projekti", deklaroi kryedemokrati Lulzim Basha.
