Mungon bashkëpunimi me pushtetin qendror, Spahia: Shkodra duhej të ishte njoftuar për hapjen e portave

Tuesday, 22 November 2022 09:15

 

Nëse qytetarët në Shkodër do të ishin njoftuar në kohë për hapjen e portave të hidrocentralit, atëherë shumë dëme materiale mund të ishin shmangur. Kështu është shprehur kryebashkiaku i qytetit veriperëndimor, Bardh Spahia në një lidhje direkte me “Radari Informativ” në ABC.

Po ashtu, Spahia i cili drejton një bashki e cila historikisht ka votuar djathtas, u shpreh se bashkëpunimi me pushtetin qendror është thuajse inekzistent.

 

Ndërsa bëri të ditur se mbi 2500 Ha tokë ndodhet nën ujë, Spahia u shpreh se në terren duhet një numër i shtuar i trupave të ushtrisë si dhe një numër i shtuar i automjeteve të larta. Deri më tani, sipas tij, janë evakuuar 36 familje me në total 150 anëtarë.

“Që prej ditës së djeshme, Shkodra po përballet me një situatë të jashtëzakonshme. Një situatë e paprecedentë për sa i përket shpejtësisë me të cilën u përballëm banorët me këtë përmbytje. Ka pasur një ndryshim të frikshëm të nivelit të ujit që nuk i lejoi të merrnin masa paraprake. Nuk patën mundësi as institucionet për t’i parajmëruar…Mungesë totale informimi nga ana e institucioneve përgjegjëse karshi bashkisë por edhe qytetare të këtyre zonave,” u shpreh kryebashkiaku i Shkodrës.

Po ashtu, Spahia theksoi se është urgjente që të ndërhyhet e të krijohet një urë e re mbi Drin pas urat ekzistuese po rrezikojnë jetën e banorëve.

Login to post comments

Lajmet e fundit

Vesh fanellën me mbishkrimin ‘Jashari’/ Granit Xhaka nderon familjen heroike të Kosovës

Sport

Vesh fanellën me mbishkrimin ‘Jashari’/ Granit Xhaka nderon familjen heroike të Kosovës

  Granit Xhaka ishte protagonist absolut në ndeshjen Serbi-Zvicër që përfundoi me shifrat 2:3 dhe çoi helvetët në fazën tjetër të Botërorit. Pasi u bë lider në fushën e lojës, shqiptari i...

Berisha: Kushtetuta na autorizon që të protestojmë në bulevard! Pikë!

Politikë

Berisha: Kushtetuta na autorizon që të protestojmë në bulevard! Pikë!

  “Ne do zbatojmë Kushtetutën. Ne zbatojmë me përpikmëri Kushtetutën” theksoi sot Sali Berisha, kryetari i PD-së, lidhur me protestën e opozitës më 6 dhjetor, gjatë një konference për shtyp. "Ne do...

‘Shpifje të ulëta’. Berisha: Do publikoj skandalin e ambasadorit britanik

Politikë

‘Shpifje të ulëta’. Berisha: Do publikoj skandalin e ambasadorit britanik

  Kryetari demokrat, Sali Berisha, reagoi sërish me ashpërsi ndaj ambasadorit britanik në Tiranë, Alastair King-Smith. Ai tha se ambasadori ka shpifur në mënyrë të ulët. “Është përdorur korrupsioni për të luftuar...