Duke u ndalur te ndihma ndaj fermerëve, Meta deklaroi se qeveria shqiptare nuk u jep asgjë, por bën projekte me shifra marramendëse.

Meta përmendi edhe Berishën duke u shprehur se Shkodra ka ngelur ende me rrugën që ai ndërtoi kur ishte në pushtet.

Ai deklaroi se është koha për organizim të fuqishëm të opozitës dhe të Partisë së Lirisë. 

“Shkodrën mos e lini me rrugën. Rruga Lezhë-Shkodër është bërë që kur isha unë kryeministër. Rruga e Kombit akoma siç e ka bërë doktori. Ju e dini që në verë mund të shkohet për 4-5 orë nga Shkodra deri në Tiranë. Tani thonë duhet të kesh mbi 10 lopë që të përfitosh subvencione. Serbia jep 385 euro për një lopë jep, Maqedonia subvencionin edhe për çdo qen për fermat. 60% të të ardhurave të pensionistit shkojnë për bukën e gojës. I shikoni se sa ka shkuar çmimi i ushqimeve apo i apartamenteve. Ne do të japim grant 10 mijë euro për çdo fermer që dëshiron të bëjë një fermë. Do t’i lehtësojmë nga taksat për 5 vitet e para. Paratë këtu janë, por vidhen me projektet e tejfryra me projekte marramendëse. Është koha për organizim të fuqishëm të opozitës dhe të Partisë së Lirisë. Unë besoj shumë në integritetin e këshilltarëve tanë”, tha Meta.