Lideri i opozitës në Shqipëri, Sali Berisha ka reaguar në lidhje me protestën e mbajtur sot nga shqiptarët e Luginës së Preshevës, duke akuzuar regjimin e Beogradit se po i largon nga trojet e tyre shekullore.

‘Protestë e shqiptarëve të Luginës së Preshevës për Dinjitet dhe Identitet’, shkruan Berisha në Facebook.

Berisha ka publikuar edhe deklaratën e PD-së, ku mbështeten plotësisht kërkesat e drejta të shqiptarëve të Luginës së Preshevës për Dinjitet dhe Identitet dhe i bën thirrje autoriteteve të Beogradit të respektojnë të gjitha detyrimet që rrjedhin nga Konventa Europiane e të Drejtave të Minoriteteve që Serbia ka firmosur dhe të ndalojë çdo formë diskriminimi të shqiptarëve në trojet e tyre shekullore të Luginës së Preshevës.

Postimi i plotë:

Protestë e shqiptarëve të Luginës së Preshevës për Dinjitet dhe Identitet.

Deklaratë e Partisë Demokratike

Shqiptarët e Luginës së Preshevës janë sot qytetarët më të shtypur dhe të diskriminuar në Europë. Ata vuajnë egërsinë e rracizmit të regjimit të Beogradit ndaj tyre që bënë gjithçka për largimin e tyre nga trojet e tyre shekullore.

Partia Demokratike e Shqipërisë mbështet plotësisht kërkesat e drejta të shqiptarëve të Luginës së Preshevës për Dinjitet dhe Identitet dhe i bën thirrje autoriteteve të Beogradit të respektojnë të gjitha detyrimet që rrjedhin nga Konventa Europiane e të Drejtave të Minoriteteve që Serbia ka firmosur dhe të ndalojë çdo formë diskriminimi të shqiptarëve në trojet e tyre shekullore të Luginës së Preshevës.