Deputeti i Partisë Demokratike, Klevis Balliu ka qenë i ftuar ditën e sotme në News 24, ku ka deklaruar se  më shumë se kurrë, PD është e hapur për të gjithë ata që duan t’i hapin “luftë frontale” qeverisë Rama.

“Aksioni qytetar do të përshkallëzohet nëse qeveria vazhdon kështu,” tha Balliu.

 Balliu është shprehur optimist se statuti do kalojë, se janë marrë parasysh analiza që janë bërë për zgjedhjesh, këshilla e kritika, nga brenda strukturave të Partisë Demokratike.

“PD është e qartë në aksionin e saj opozitar. Është e qartë që kjo parti është në luftë frontale me qeverinë Rama. Kushdo që shkëput vëmendjen nga denoncimet e PD kundrejt Ramës, nuk ndihmon askënd”- u shpreh Balliu.

Kurse për protesta e radhës Balliu ka deklaruar se aksioni i opozitës mbështet dhe del në mbrojtje të shqiptarëve.  

“Aksioni i opozitës lidhet me qytetarin shqiptar, pasi sot ata janë të vetmuar. Si kurrë më parë, deputetë të PD janë në kontakt shumë të shpeshtë me qytetarët. Jemi gjithë kohës në bashkëpunime me individë. Opozita i del në mbrojtje qytetarëve, institucionet e shtetit godasin qytetarët për të mbrojtur bandat në pushtet. Rasti i fundit ishte arrestimi i katër qytetarëve të pafajshëm, që dolën në protestë kundër një takse për të cilën edhe kryeministri kërkoi falje”-ka përfunduar Balliu.