Kryeministri Edi Rama, i cili ndodhet në një vizitë në Gjermani, ka folur për Deutsche Ëelle, disa orë para se të takojë kancelaren gjermane, Angela Merkel.

Gjatë kësaj intervistë, Rama ka dhënë shenjat e para se ai do ta ketë të vështirë për të bindur kancaleren, dhe për këtë, ai ka ndërtuar edhe justifikimin e parë.

Rama thotë se rekomandimi i Komisionit Evropian ishte i qartë, ndërsa pret që vendet e BE të votojnë pro çeljes së negociatave.

Kryeministri thotë se Shqipëria të mos mbahej peng nga zhvillimet e brendshme politike,

“Sinqerisht nuk ka shumë për t’i thënë kancerlares, pasi ajo është në dijeni të perspektives së Be. KE na dha rekomandim të qartë pa kushte dhe duhet të nisim negociatat. Nuk është fundi i një procesi, por nisja e një faze të re që kërkon sakrificë.

Ne kemi përmbushur detyrat e shtëpisë për këtë fazë. Tashmë është vendimmarrje bazuar në gjykime politike dhe kur bëhet fjalë në këtë pjesë ka luftë për interesa të ndryshme. Ajo që do doja është që Shqipëria mos të behej peng e një dinamike të brendshme politike dhe të mos përdoret nga forcat politike si një ‘kokë turku’ për të avancuar axhendat që s’kanë të bëjë me atë qe kemi të bëjmë me detyrat”, tha Rama.

Kryeministri Rama mendon se nëse vendet anëtare nuk do të votojnë pro çeljes së negociatave, kjo është për faj të disa vendeve të BE dhe politikave të brendshme të tyre.

Në fakt, nëse Gjermani është skeptike kjo është vetëm për meritë të Ramës dhe keqqeverisjes së tij, dhe jo për politikat e brendshme apo të jashtme të BE.