Kryetari i Grupit Parlamentar të Lëvizjes Socialiste për Integrim, Petrit Vasili, nëpërmjet një statusi të publikuar në rrjetet sociale i është përgjigjur Kryeministrit Rama mbi idetë e tij se armiq imagjinarë nga jashtë janë duke e dëmtuar vendin dhe procesin e integrimit në Bashkimin Evropian. Duke i quajtur idiotë të gjithë ata që kërkojnë të tillë armiq Vasili thotë se qeverisja e keqe dhe hajdutëria janë armiqtë e vërtetë.

“Vetëm idiotët kërkojnë armiq të jashtëm imagjinarë. Rreziku i vetëm dhe më i ligë për Shqipërinë janë ata, që qeverisin hajdutërisht këtë vend dhe që i bëjnë shqiptarët të mbeten pa bukë e në mjerim dhe të detyrohen të ikin nga Shqipëria që nga fëmijët e deri tek burrat e gratë e moshuara. Kujt nuk i dhemb për tragjedinë e mijëra fëmijëve e të rinjve shqiptarë nga 7 - 17 vjeç, që ikin mes rreziqeve të frikshme të rrugëve të botës, gjynahu iu ktheftë në mallkim”, shkruan Kryetari i Grupit Parlamentare të Lëvizjes Socialiste për Integrim.