Djali i ish kryeministri Sali Berisha, Shkëlzeni, ka bërë një koment të shkurtër në rrjetet sociale, lidhur me ‘çështjen Tahiri’ dhe ndikimin e saj në negociatat e vendit me BE, vendim që pritet të merret në fund të qershorit nga Parlamenti Evropian. 

“Për të mbrojtur veten nga “kënga” e Tahirit, Rama do bëëj kurban Shqipërinë”, shkruan shkurt Shkëlzen Berisha në një postim në FB.

Më herët, ish kryeministri Sali Berisha teksa komentoi vizitën e kryeministrit Edi Rama në Berlin ditët e fundit, thotë duke përdorur ironinë se “kthehet nga Berlini me atlete të kuqe”.
Sipas Berishës, “deputetët e grupit CDU/CSU, në një akt të paprecedent kanë bojkotuar darkën e shtruar nga Edi Rama për shkak të fushatës të luftës së ftohtë, shpifjeve dhe trillimeve që ai së bashku me horrat dhe prostitutat e tij politike kanë ndërmarrë ndaj kryetarit të komisionit për Europën të Bundestagut, Krischbaum dhe deputetëve të tjerë të Bundestagut.
Në takimin në Bundestag, Rama doli një gënjeshtar i paskrupullt. I pyetur pse nuk hoqët imunitetin e Saimir Tahirit, ai u gënjeu duke thënë se Saimir Trafikut i është hequr çdo imunitet. Kështu, ajo që mund të thuhet për këtë vizitë është se; Timonierit ju thye keq timoni dhe nga Berilini u kthye me këpucë të kuqe!”