Kryetari i PDK dhe deputeti i opozitws, Nard Ndoka i ftuar në studion e lajmeve të news24 ka thënë se mazhoranca e Shqipërisë është plot me skandale “Mazhoranca e vendit tonë është e mbushur plot me skandale.”

Ndoka tha se zgjidhja e vetme e problemeve është largimi i kryeministrit sepse ai është problemi kryesor.

“Duhet të largohet kryeministri ai është problemi kryesor. Është ai që mban të bllokuara të gjitha problemet në Shqipëri.

S’ka zgjidhje tjetër përveçse bllokimi total institucioneve nga ana e opozitës. Kudo në botë dhe çdo ditë flitet për Shqipërinë se prodhon drogë.”

Gjatë fjalës së tij deputeti foli edhe për Tahirin, ku tha se është e vështirë ta kapësh me fakte Ish-ministrin e Brendshëm, “Opozita ka bërë publike krimet e Tahirit, por është e vështirë të kapësh ministrin e Brendshëm me fakte pasi ai ka pasur në dorë çdo fakt.

Lufta është e qartë nuk janë shpifje çfarë flitet për Tahirin dhe PS-në, por janë fakte që dalin çdo ditë e më tepër.” u shpreh Ndoka.

Po ashtu kreu i PDK paralajmëroi se në ditët në vazhdim do të publikohen të tjera fakte mbi skandalet dhe aferat e qeverisë Rama.

 “Janë shërbimet e huaja ato që janë futur në lëvizje duke parë se dështimi i kësaj mazhorance, i këtij kryeministri është spektakolar. Disa ndërkombëtarë i ka fyer kryeministri jonë legjendar dhe është krijuar një konflikt i tillë”, u shpreh Ndoka.