Opozita do të protestojë më 26 maj për të kërkuar largimin e Fatmir Xhafaj si ministër i Brendshëm dhe në vazhdim të saj për të treguar se nuk mund të pranohet një qeveri që është e lidhur me krimin dhe interesat kriminale. Deklarata është bërë nga nënkryetari i Partisë Demokratik, Edi Paloka.

“Protesta iniciohet nga skandali i fundit, dhe kërkesa kryesore është largimi i Fatmir Xhafajt. Por ne dhe të gjithë shqiptarët e dimë se Xhafaj është ministër i Brendshëm, sepse Edi Rama është Kryeministër. Sot ne bëmë një takim të gjatë me të gjithë frontin opozitar, diskutuam gjerësisht për mënyrën dhe kronologjinë e këtij skandali të fundit dhe arritëm në konkluzionin se duhet një protestë e fuqishme në Tiranë, e cila do të zhvillohet pranë Kryeministrisë”, tha Paloka.

Nënkryetari i PD-së i cilësoi si bajate justifikimet e Ramës, sipas të cilit opozita kërkon të bllokojë negociatat. /55news.al/