Ardhja e Zlatan Ibrahimovic tek skuadra e Milanit prite të pasohet edhe me afrime të tjera nga ekipi kuqezi.
Sipas mediave italiane, drejtuesit e “djallit” po mendojnë të sjellin në “San Siro” Julian Draxler. Mesfushori i Psg-së ka luajtur shumë pak këtë sezon dhe për të mos humbur formën fizike dëshiron të largohet në merkaton e janarit.
Klubi parizien që ta lë të lirë gjermanin kërkon të paktën 30 milionë euro. Për Draxler interesohen edhe ekipi i Hertha Berlinit dhe Chelsea. Milani pëlqen cilësitë e Draxler pasi ky i fundit luan në disa pozicione të mesfushës.
