Gazetarja investigative Klodiana Lala ka bërë përgjegjës  shtetin shqiptar për vrasjen e 28 -vjeçarit Marjo Majollari para disa ditësh.

 Vrasja e 28-vjeçarit Marjo Majollari disa ditë më parë në Tiranë ishte ndër ngjarjet më të bujshme të ditëve të fundit.

E ftuar në emisionin “Kjo Javë”,  Lala tregoi më shumë detaje rreth asaj çfarë po ndodh pas vdekjes së të riut. Pas lajmit se Majollari ka kërkuar azil në Suedi, nisi dhe hetimi se kush janë përgjegjësit për faktin që i riu nuk u mbrojt dot.

Sipas saj shteti  nuk mundi ta mbrojë dot viktimën. “Kam bindjen se është vrarë nga shteti shqiptar, nga shteti që nuk i siguroi dot mbrojtjen. Kemi telefonuar persona të caktuar dhe policinë për të marrë përgjigje se pse nuk shqyrtuan rastin, por nuk kemi marrë asnjë përgjigje.”- është shprehur Lala