Është arrestuar nga policia e Beratit një person të cilit i është dhënë masa e dënimit “arrest me burg” nga gjykata e Vlorës, pasi ka kundërshtuar punonjësin e policisë dhe është larguar nga vendi i aksidentit.
Në njoftimin e policisë së Qarkut Berat thuhet se: Më datë 15.04.2018, nga Specialistët e Seksionit për Krimet u bë ndalimi i shtetasit të shpallur në kërkim policor: Arqile Vrushaj, 36 vjeç, banues në Orizaj, Berat.
Ndalimi i tij u bë pasi Gjykata e Apelit Vlorë, me vendim Nr.60, datë 27.07.2016, ka caktuar masën e sigurisë “Arrest me burg”, për veprat penale, "Kundërshtim i punonjësit të policisë së rendit publik", "Largimi nga vendi i aksidentit", "Drejtim i automjetit në mënyrë të parregullt", "Prodhim dhe mbajtja pa leje e armëve të gjuetisë dhe sportive", ”Prodhimi, mbajtja, blerja apo shitja pa leje e armëve të ftohta”.
