5 vite burg ka kërkuar Prokuroria e Krimeve të Rënda për ish-nëndrejtorin e Burgjeve Iljaz Labi, i cili akuzohen për korrupsion, por ish-zyrtari i lartë do të lirohet. Sipas prokurorisë, Labi ka abuzuar me tenderat e ushqimeve në burgje duke përfituar shuma të konsidrueshme parash, sëbashku me ish-Drejtorin Artur Zoto, i cili po gjykohet në një proces të ndarë.

Prokuroria kërkoi shuarjen e masës së dënimit për shkak se Labi ka bashkëpunuar për të zbardhur skemën korruptive në burgje. Sipas prokurorisë, Iljaz Labi, në bashkëpunim me katër biznesmenë të tjerë paracaktonin fituesin e tenderave.

E gjithë kjo, sipas akuzës bëhej me dijeni të ish-Drejtorit të Përgjithshëm, Artur Zoto. Në bazë të dëshmive të Labit, ai kishte marrë nga biznesmenët milion lekë të reja, të cilat më pas ia kishte dorëzuar Zotos. 3 vite burg u kërkuan edhe për biznesmenin Ylber Kalaja me kushtin e shuarjes së këtij dënimi. Po nga 3 vite u kërkua dhe për biznesmenin Shemsi Sinani dhe Nexhmi Ballën.