Tragjedia në Tetovë, pesë prokurorë marrin në dorë hetimet, në prill u konfirmuan gabime në ndërtimin e spitalit

E Enjte, 09 September 2021 07:57

 

Të paktën dhjetë persona kanë humbur jetën në Tetovë, si pasojë e zjarrit që ka përshirë spitalin modular për trajtimin e të sëmurëve me koronavirus, të mërkurën (8 shtator) rreth orës 21:00.

 

Numri i viktimave mund të jetë më i lartë por deri më tani nuk mund të konfirmohet zyrtarisht.

 

Sipas informacioneve të pakonfirmuara, 20 persona vdiqën nga zjarri. Midis tyre ishin pacientë dhe staf mjekësor.

 

Krahas viktimave ka edhe shumë të plagosur.

 

Çfarë deklaronte ministri Filipçe për spitalet prej plastike: Ky model është me të vërtetë i mirë
Kjo është një ditë shumë e trishtuar, deklaroi ministri i Shëndetësisë Filipçe përmes Twitterit.

Pritet një deklaratë zyrtare për të hedhur dritë mbi numrin e vërtetë të personave që humbën jetën nga zjarri dhe atë çfarë ndodhi aty.

Informacioni pritet nga një numër i madh i qytetarëve të cilët ankohen se nuk dinë asgjë për të dashurit e tyre, pacientët apo personelin mjekësor në klinikën e Tetovës.

Njerëzit të cilët u tronditën kur dëgjuan lajmin e tmerrshëm për të dashurit e tyre janë në shok.

“Mjekët po luftojnë për jetën e të plagosurve. I bëj apel mediave dhe qytetarëve që të mos spekulojnë me numrat. Ne do të ndajmë të gjitha informacionet e konfirmuara në kohën e duhur. Unë shpreh ngushëllimet e mia për familjet," tha Filipçe.

Zjarri është shuar, por bashkë me të janë shuar edhe shumë jetë njerëzish.

Prokuroria Publike Themelore ka njoftuar se pesë prokurorë, tre nga Tetova dhe dy nga Shkupi janë angazhuar dhe janë në terren ku po kryejnë ekspertizë për të vërtetuar shkaqet që sollën deri te djegia e spitalit modular Kovid në Tetovë.

Për spitalin modular në Tetovë, në mesin e muajit prill ishte raportuar se janë konfirmuar gabime gjatë ndërtimit, raportojnë mediat vendase.

Sipas një shkrimi në media, thuhej se firma e cila ka kryer punët ndërtimore duhej ti mënjanojë vërejtjet.

“Vërejtjet kanë të bëjnë me dyshemenë dhe disa gabime tjera të vogla infrastrukturore. Është dhënë afat prej 5 ditëve që të sanohen gabimet të ndodhura gjatë ndërtimit të spitalit modular. Rrymë dhe ujë ka. Për sistemin e oksigjenit jemi në kontakt me firmën nga ku na thanë se për 2-3 ditë mund të vendoset. Sistemi ka ardhur deri tek infektivja dhe mund të lidhet. Në rast se nuk dalin probleme të tjera, javën tjetër shpresojmë se do të vihet në përdorim”, deklaroi asokohe drejtori Ekonomik i Klinikës së Tetovës, Artan Etemi.

Login to post comments

Lajmet e fundit

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Politikë

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Nga Onelda Zefi: Vendoset veto ne lulishten e vetme qe ka ngelur ne zonen e Parafabrikateve tek Rr:Llambi Bonata ne Kombinat. Shikoni sesi Lali Eri vazhdon te tallet me Kombinatin te Cilin...

Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.

Politikë

Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.

Nga Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.Prej dy ditesh ne Hotel “Tirana” po zhvillon punimet, e ndare ne dy auditore, Konferenca e Pare Nderkombetare, njekohesisht dhe...

'Drejt Gjermanisë', UEFA publikon disa nga fotot më ikonike të Shqipërisë

Sport

'Drejt Gjermanisë', UEFA publikon disa nga fotot më ikonike të Shqipërisë

Shqipëria u kualifikua për herë të dytë në historinë e saj, në një kampionat Europian.   Kuqezinjtë i mbyllën kualifikueset në vendin e parë, duke lënë pas kombëtare të forta si Çekia...