Tragjedia e autobusit/ Sipas avokatit ja sa do t’ju paguaj Bullgaria të afërmve të viktimave

Saturday, 27 November 2021 08:57

 

Deri në 250.000 leva (125.000 euro) dëmshpërblim do të duhet të paguajë Bullgaria për një viktim të aksidentit në autostradën e Strumës, ku humbën jetën 45 shqiptarë nga Maqedonia e Veriut shkruan media bullgare Blic.

“Faji për incidentin është kompleks, si me shoferin e autobusit ashtu edhe me infrastrukturën në zonën e aksidentit”, është shprehur avokati bullgar Nikolaj Dimitrov.

Sipas tij, shoferi në leximin e parë nuk i ka respektuar kushtet e rrugës në të cilat ka pasur shikueshmëri të zvogëluar, por nga ana tjetër mund të vërtetohet se fajin e kanë kushtet e rrugës, infrastruktura dhe mirëmbajtja e saj.
"Rasti është i komplikuar sepse numri i të vdekurve është i madh dhe kufijtë e sigurimit të përgjegjësisë civile në autobus në Maqedoninë e Veriut janë të kufizuara dhe nuk do të mund të mbulojnë të gjitha kërkesat e paditësve." tha avokati Dimitrov.

Llogaritjet tregojnë se paratë e sigurimit nuk do të mjaftojnë as një të dhjetën për të mbuluar dëmet.

Kështu, nëse vërtetohet fajësia e Agjencisë mëmë për Infrastrukturën Rrugore (RIA), me shumë mundësi të gjithë trashëgimtarët do të kërkojnë dëmshpërblim duke u ankuar për kushtet e rrugës, sepse vendi ku ka ndodhur aksidenti është Bullgaria.

Ekspertët nga kompanitë bullgare të sigurimit komentojnë se shuma pritet të arrijë të paktën 25 milion leva (12,5 milion euro).

Nga 100.000 deri në 125.000 euro mund të kërkojë secili prej prindërve nëse fëmija i tyre ka vdekur në aksident.

Fëmijët e rritur pa prindër mund të marrin deri në 100.000 euro për një prind të humbur, dhe për një vëlla, motër, gjyshe ose gjysh të vdekur shuma është rreth 25.000 mijë euro.

Shërbimi Rrugor shpesh dënohet për mosmirëmbajtje të seksioneve dhe ndërtim të dobët të rrugëve, tregon praktika gjyqësore.

Çështjet civile mund të zgjasin rreth një vit e gjysmë ndërsa çështjet penale zgjasin më shumë.

Sipas informacioneve fillestare, disa firma të mëdha ligjore bullgare kanë ofruar tashmë ndihmë për qeverinë maqedonase në mbrojtjen e interesave të të afërmve përpara një gjykate bullgare./slobodenpecat.mk

Login to post comments

Lajmet e fundit

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Politikë

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Nga Onelda Zefi: Vendoset veto ne lulishten e vetme qe ka ngelur ne zonen e Parafabrikateve tek Rr:Llambi Bonata ne Kombinat. Shikoni sesi Lali Eri vazhdon te tallet me Kombinatin te Cilin...

Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.

Politikë

Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.

Nga Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.Prej dy ditesh ne Hotel “Tirana” po zhvillon punimet, e ndare ne dy auditore, Konferenca e Pare Nderkombetare, njekohesisht dhe...

'Drejt Gjermanisë', UEFA publikon disa nga fotot më ikonike të Shqipërisë

Sport

'Drejt Gjermanisë', UEFA publikon disa nga fotot më ikonike të Shqipërisë

Shqipëria u kualifikua për herë të dytë në historinë e saj, në një kampionat Europian.   Kuqezinjtë i mbyllën kualifikueset në vendin e parë, duke lënë pas kombëtare të forta si Çekia...