Fëmijë të masakruar në Kfar Aza, gjenerali izraelit: Po bëhen vrasje në mënyrën e ISIS-it

E mërkurë, 11 October 2023 21:35
Detaje tmerruese po dalin në dritë rreth fatit të komuniteteve që jetojnë në kufi, vetëm disa ditë pasi Hamasi nisi të sulmonte Izraelin.
 

Kfar Aza është një prej disa enklavave të vogla bujqësore kibbutzim që mbajti pjesën më të madhe të sulmit tokësor të Hamas-it të shtunën.

Forcat izraelite të Mbrojtjes morën një ekip të CNN dhe media të tjera ndërkombëtare në zonën ku u bë pjesa më e madhe e sulmit, teksa shkonin nëpër banesa për të mbledhur trupat e pajetë.

Siç raporton CNN duke cituar IDF, mes të vrarëve në Kfar Aza kishte dhe fëmijë, gra dhe të moshuar.
 

“Nuk kam parë kurrë gjatë karrierës sime diçka të tillë, asnjëherë në 40 vite shërbim nuk e kam imagjinuar diçka të tillë”, deklaroi Gjeneral Major Itai Veruv për CNN.

Deklaratat, Veruv i bëri vetëm disa orë pasi trupat izraelitë shpëtuan kibbutz-ët e Kfar Aza-s nga militantët e Hamasit.

Ai shtoi se ushtarët e tij kaluan 48 orë duke luftuar teksa “valë të tëra terroristësh” vërshonin në rrugë dhe nëpër komunitetet fqinje.

IDF tha për CNN se civilët janë “therur brutalisht në mënyrën  e ISIS-it.”

“Pashë qindra terroristë me armaturë të plotë, me pajisje të plota, me të gjitha pajisjet dhe të gjithë aftësinë për të bërë një masakër, të shkonin nga apartamenti në apartament, nga dhoma në dhomë dhe të vrisnin foshnja, nëna, baballarë në dhomat e tyre të gjumit,” shtoi Veruv.

Të paktën 1200 persona kanë humbur jetën në Izrael që nga nisja e konfliktit, sipas shifrave të bëra publike nga IDF.

Login to post comments

Lajmet e fundit

“Markat, ndikimi kryesisht nga Perëndimi”

Media

“Markat, ndikimi kryesisht nga Perëndimi”

Flet Era Xhabafti, zv.menaxhere e përgjithshme e kompanisë “Mini Invest Albania”   Ndonëse pandemia ka ndikuar në kërkesën për më shumë komoditet, kërkesat janë që edhe rehatia të jetë me marka. Kështu shprehet...

Çfarë do bëhet me dosjen ‘Xibraka’!

Politikë

Çfarë do bëhet me dosjen ‘Xibraka’!

Nga Flamur Vezaj: Dosja ‘XIBRAKA’ nuk ka vetëm emrin e Olsi Ramës! Aty ka edhe plot te tjerë, te njohur e te panjohur, biznesmen, ndërtues, kriminel e krerë bandash qe veprojnë akoma...

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Politikë

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Eksperti i ekonomisë, Zef Preçi, e konsideroi si një skemë të ngjashme me atë të inceneratorëve, atë të krijuar nga drejtorët e Erion Veliajt me kompaninë ‘5D’. Për emisionin “Task Force”...