Duke lexuar protokollin nr.9, datë 19.3.1956 të Byrosë Politike të KQ të PPSH-së, në të cilën diskutojnë më shumë sekretari i parë i kësaj partie E.Hoxha dhe kryeministri M.Shehu, nxirren mendime të vlefshme mbi rolin e dhisë dhe kafshëve të tjera në dobi të ekonomisë popullore. Ja një pjesë e debatit:
Enver Hoxha: Shtesën e dhive mendoj mos ta lëmë në spontanitet. Unë nuk jam kundër dhisë, por të kesh dhi që mos të japin qumësht dhe kjo s'na intereson. Kam dëgjuar se në Martanesh dhitë japin sa një lopë, pra të tilla dhi të mbajmë.
Mehmet Shehu: Dhia më e keqe në Shqipëri, jep më shumë se delja më e mirë.
