Video që po shihni është xhiruar në Curili, një arkipelag me 60 ishuj që gjendet mes ekstremit Veri-Lindor japonez të Hakkoido dhe gadishullit rus të Kamchatka-s. Disa burra në bordin e një motoslite kanë ndjekur një ari, ndoshta i sapo zgjuar nga gjumi i tij letargjik.

Kafsha i cili është rrethuar nga dy motoslitat ka ndaluar vrapimin dhe është përpjekur të mbrohet, duke sulmuar një nga dy burrat në një prej moto-slitave.

Ky i fundit ka shpëtuar për një fije nga putra e kafshës me sa duket të frikësuar.

Videoja e publikuar në “Youtube”, ka ngjallur polemika në rrjetet sociale, mes përdoruesve të internetit dhe autoriteteve ruse, që drejtojnë arkipelagun.

‘Sjellja e dy burrave është shumë e keqe’,- ka thënë Danila Dudarev, zëvendës ministre për gjuetinë dhe pyjet në Curili.

‘Njerëzit janë në kërkim të filmimeve spektakolare për t’i ndarë në rrjetet sociale, pa menduar për dëmin e madh që i shkaktojnë kafshëve.

Arinjtë, nëse nuk i provokon, nuk janë agresivë, ndërsa është e mundur që kafsha herën tjetër të sulmojë një person në bodin e një motorslite, sepse atij i mbetet kujtimi i frikës’,- ka thënë ekspertja.

“Siberian Times” raporton edhe për disa komente indinjuese të përdoruesve rus në rrjetet sociale. Dhe reagimi indinjues është unanim…

‘Kjo tregon që njerëzit janë më egërsira se kafshët’,- thuhet në një prej komenteve.