Presidenti i Turqisë Recep Tayyip Erdogan ka vendosur të çojë Turqinë drejt zgjedhjeve të parakohshme presidenciale dhe parlamentare. Erdogan ka dekretuar 24 qershorin si ditën e zgjedhjeve.
Fillimisht zgjedhjet parlamentare dhe presidenciale ishin vendosur që të mbaheshin në nëntor të vitit 2019, por kërkesa e opozitës turke, ka bërë që Erdogan të çojë vendin drejt zgjedhjeve të parakohshme.
Më 16 prill 2017, Turqia mbajti një referendum që kërkoi nga votuesit të vendosin për ndryshime kushtetuese në 18 nene për të kaluar nga sistemi parlamentar në sistem presidencial.
“Duhet të dihet se MHP kërkon zgjedhje të parakohshme pas miratimit të ligjeve rregulluese”, tha kreu i partisë i partisë opozitare Lëvizja Nacionaliste në Turqi, Devlet Bahçeli, një ditë më parë, teksa bëri thirrje për zhvillimin e zgjedhjeve të parakohshme.
