Arabia Saudite ka hapur kinemanë e parë pas 40 vjetësh, duke shfaqur fillimisht privatisht filmin e Hollywoodit, “Black Panther” dhe më pas për publikun e gjerë.

Ceremonia e shfaqjes së filmit u mbajt më 18 prill në kombin konservativ të Gjirit Arab, e cila ka ardhur para lançimit zyrtar edhe për publikun më 20 prill.

Kjo ngjarje në kryeqytetin Riad, ka theksuar ndryshimet drastike që po ndodhin nën udhëheqjen e trashëgimtarit të fronit, Princit Muhammad bin Salman, i cili ka premtuar se do të hapë shtetin në aspektin kulturor dhe do të reformojë ekonominë.

Në ceremoni kanë marrë pjesë si burra dhe gra, duke i thënë fund ndalimit 40 vjeçar të kinemave publike në shtetin saudit.

Në vijim, qeveria ka parashikuar rreth 300 kinema do të ndërtohen në 12 vitet e ardhshme dhe se hapja e tyre do t’i kontribuojë shtetit me më shumë se 24 miliardë dollarë në ekonomi dhe do të krijojë më shumë se 30,000 vende të punës deri më 2030.