Republikanët kanë gjasa të rrëmbejnë një vend në senati në Montana, sipas një sondazhi të ri nga New York Times, i cili do t'u jepte atyre kontrollin e asaj dhome të Kongresit nëse të gjitha garat e tjera shkojnë siç pritet.

Ndonëse vëmendja më e madhe ka qenë në garën presidenciale mes Donald Trump-it dhe Kamala Harrisit, edhe Dhoma e Përfaqësuesve është gati për rizgjedhje, së bashku me 33 vende në Senat. Demokratët kanë aktualisht 51 vende në dhomën prej 100 anëtarësh. 

"Matematika për kontrollin e senatit është shumë e thjeshtë. Demokratëve nuk po u dalin llogaritë," raportoi Times të enjten, duke cituar sondazhin e fundit më bashkëpunim me Siena College që tregoi Jon Tester, demokratin aktual në Montana, duke u larguar shtatë pikë pas sfiduesit të tij republikan Tim Sheehy.

Sheehy është një ish SEAL i Marinës dhe një biznesmen, i cili sapo ka hyrë në politikë. Sondazhi i Times/Siena e jepte atë me 52% ndaj Testerit 44%. Ndërkohë, Trump ka 17 pikë epërsi ndaj Harrisit në Montana.

Deri këtë javë, sondazhet tregonin se demokratët ishin në avantazh të qetë në çdo garë të kontestuar për senatin.

Republikanët tashmë pritej të merrnin një vend në Virxhinia Perëndimore, ku demokrati i vjetër Joe Manchin fillimisht u largua nga partia dhe më pas njoftoi se nuk do të kërkonte të rizgjidhej. Nëse të gjitha garat e tjera shkojnë siç parashikon sondazhi, republikanët do të kishin 51 vende në krahasim me 49 të demokratëve.

"Shpresa e vetme" për demokratët është që disi të përfundojnë me një barazim dhe që Harrisi të fitojë presidencën, gjë që do t'i jepte kandidatit të saj Tim Walz votën për të thyer barazimin. Ky ishte rasti për dy vitet e para të presidencës së Joe Biden-it, kur Harrisi ishte barazim, derisa demokratët e përmbysën Pensilvaninë në vitin 2022.

Por sipas Times, kjo do të kërkonte që demokratët të mundnin diku një republikan në detyrë. Sondazhet sugjerojnë se senatori i Teksasit Ted Cruz dhe senatori i Floridës Rick Scott do të ishin garat më të lehta, megjithatë Cruz është me katër pikë dhe Scott me nëntë.

Një vend i mundshëm është Nebraska, ku demokratët nuk po konkurrojnë askënd, por duket se po mbështesin një kandidat të pavarur, Dan Osborn. Sondazhet e fundit e tregojnë Osbornin në garë të ngushtë me kandidatin aktual republikan Deb Fischer.

Republikanët aktualisht mbajnë 220 vende në Dhomën e Përfaqësuesve prej 435 anëtarësh, duke i lënë demokratët me 212 dhe tre vende bosh. Dita e zgjedhjeve është 5 nëntori, megjithëse votimi i parakohshëm me postë ka filluar tashmë në disa shtete.