Një ndërtesë 26-katëshe është shembur pasi u përfshi nga zjarr në qytetin më të madh të Brazilit, Sao Paolo, duke lënë të vdekur një person. Zjarri filloi në 1:20 me orën lokale (04:20 GMT) me flakët që përhapeshin me shpejtësi dhe pas 90 minutash, ndërtesa u shemb, njofton BBC.
Më shumë se 150 zjarrfikës janë duke luftuar me flakët që u shkaktuan nga një shpërthim gazi. Zjarrfikësit janë të shqetësuar se shumë persona mund të kenë qenë bllokuar brenda.
Dëshmitarët thanë se flakët u përhapën shpejt nga katet më të ulëta. Rreth 50 familje ishin futur në këtë ndërtesë në zonën e Largo do Paissandu të qytetit pasi forcat e Policisë federale që e kishin përdorur, e kishin liruar para disa vjetësh.
“U duk si cunami kur ndërtesa u shemb”, tha një grua 58 vjeçe që jetonte në katin e katërt. Nuk mund të merrja asgjë me vete.”
Deise Silva, 31 vjeçe, tha se ajo ishte ën gjumë brenda në dhomë kur një një nga pesë fëmijët e saj e zgjoi me ulërima.
“Kur njerëzit më thanë se kishte rënë zjarr, zgjova fëmijët dhe vrapova,” tha ajo. Një hotel në afërsi u evakua./SYRI.NET
