Kanë ndodhur një numër i madh aksidentesh ditën e sotme, ndër to edhe shtypje të këmbësorëve. Një rast i tillë ka ndodhur në Muenster, qytet perëndimor në Gjermani, ku flitet për të paktën 3 të vdekur dhe mbi 30 të plagosur.
Mediet gjermane raportojnë se policia është aktualisht e përfshirë në një operacion masiv. Sipas “Spiegel”-it, një automjet u përplas mbi këmbësorët, gjë që konfirmohet edhe nga policia, që po e konsideron këtë rast si një sulm. Në revistën online shkruhet gjithashtu se autori ka vrarë edhe veten pas ndodhisë.
“Situata mbetet konfuze për momentin”, shkruan policia në “Tëitter”. Numri i të prekurve sipas zëdhënësit të Departamentit të Zjarrfikëses shon deri në 50 vetë.
Raportohet se pjesë të tëra të qendrës së qytetit janë mbyllur, ndërsa helikopterë emergjencash janë dërguar në zonë, që po bëjnë të mundur dërgimin e të plagosurve në spitale.
Nga hetuesit në vendngjarje nuk përjashtohet mundësia e ndonjë eksplozivi në zonë, për të cilin po kryejnë kërkime. Policia u bëri thirrje banorëve në zonën e ngjarjes të shmangin lëvizjet.
