Kryetari i Partisë së Lirisë, Ilir Meta, komentoi sot, arrestimin e një zyrtari të lartë të FBI, i njohur për lidhje të ngushta me Edi Ramën.
“Dihet që raporti më i pasinqertë në botë është ai mes Ramës dhe SHBA.
Nga Bilali te Çarli, skandal pas skandali, që tregon qartë se ky nuk ka qenë raport vlerash, i Ramës me SHBA, por një raport korrupsioni dhe instrumentalizimi i këtyre marrëdhënieve dhe helmimit të këtyre marrëdhënieve dhe korruptimit dhe përdorimit të tyre për qëllimet e luftës së brendshme në Shqipëri.
Nuk jam i habitur dhe jam i bindur që skandale të tjera do dalin. Kam folur prej kohësh për mafie ndërkombëtare.
U kam thënë për Kim Filbin, se ka Perëndimi këto Kim Filbat e vet.
Kjo është e qartë sepse sistemi i Edi Ramës është një sistem që kullon korrupsion dhe vetëm korrupsion, nga themelet deri te koka.
Na ktheu në vendin e dytë në botë për ryshfet,” tha Meta.