Për sa ndoqët në pamje të parë duken si procedura burokratike brenda një Shoqërie Aksionere. Por, nuk janë të tilla, ato kishin një qëllim të paramenduar, që lidhen me tjetrësimin e pronave në një prej zonave më të shtrenjta të Tiranës, në të cilat në një afat të shkurtër mund të shohim ndonjë prej qiell gërvishtëse të Tiranës.
Në janar të vitit 2022 mblidhet Asamblea e Asionerëve me pjesmarrës Ajola dhe Valbona Xoxa (kryetare) dhe në rend dite kishin miratimin e tjetrësimit të pronave.
Fjalën e merr Valbona Xoxa dhe sqaron se shoqëria disponon disa prona të paluajtshme të cilat duhet të rivlersoheshin dhe kërkohej kapital i madh financiar, të gjitha shpenzimet avokatore dhe administrative për këtë proces janë mbuluar personalisht nga kryetarja.
Rivlersimi i parë i pronave u krye në dhjetor të vitit 2021 dhe disa prona të tjera u rivlersuan në janar të vitit 2022.
Kryetarja deklaron se shoqëria ka marrë një ofertë shumë të mire për shitjen e një aseti dhe se ka lidhur një kontratë paraprake për shitjen e pronës në rrugën Muhamet Gjollesha me nr Pasurie 5/139-N12 me sipërfaqe totale 449.8 m2,për të cilën është paguar dhe një kapar.
Nuk dihet se kush ëhstë blerësi i kësaj prone, por ajo që kuptohet nga dokumentacioni është se veprimet janë bërë me nxitim.
Për lidhjen e kësaj kontrate paraprake nuk është kryer as formalisht miratimi i Asamblese por siç shprehet në vendim Asambleja po e miraton POSTERIORI këtë kontratë.
Në datë 30.08.2022 mblidhet sërish Asambleja Aksionare e shoqërisë, dhe për herë të parë Greta Domi merr kompetencat e dhëna nga Ajola Xoxa. Në rend dite është miratimi i ndarjes së aseteve të shoqërisë dhe miratimi i kontratave të shitjes. Në këtë mbledhje kryetarja kërkon shitjen e aseteve si më poshtë:
1- Nr.Pasurie5/360 truall me sipërfaqë 415.88 m2
2- Nr.Pasurie 5/156+1-N11, lloji njësi me sipërfaqe48m2
3- Nr.Pasurie 5/139-N9, lloji njësi me sipërfaqë 400.5 m2
Nuk dihet se sa është vlera e shitjes pasi kjo shoqëri nuk ka depozituar kurrë bilancet në QKB dhe nuk mund të analizojmë të dhënat. Pasi arritën qëllimin e tyre për ti marrë pronat shoqërisë që kishte edhe mbi 20 pronarë të tjere, Xoxa e përdor këtë kompani vetëm për të deklaruar çdo vit, 12 mijë euro të ardhura si pagë. Nuk ka asnjë të dhënë se si kjo shoqëri me vetëm 1 punonjës, Ajola Xoxen, siguron të ardhurat që më pas i përkthehen sërish Xoxes si pagë mujore.
I takon SPAK të sekuestrojë dosjën dhe të bëjë transparencë se kush i ka blerë këto asete dhe kush është ndërtuesi që ka paguar dhe kapar që shoqëria të mundësonte rivlersimin e pronave.
Babëzia e Ajola Xoxës nuk përfundon këtu. Një tjetër veprim që ngre dyshime të forta për burimin e parave të familjes Xoxa është edhe kompania AVA STUDIO.
Kjo kompani themelohet në tetor të vitit 2021 nga Valbona Xoxa dhe ka si objekt aktiviteti konsulenca të ndryshme në fushën artistike, trajnime kurse dhe botime të ndryshme.
Për themelimin e kësaj kompanie Valbona Xoxa ka nënshkruar deklaratë noteriale ku autorizon shtetaset Greta Domi, Xhoi Skënderasi dhe Fjoralba Zeko, punonjëse të së bijës, Ajola Xoxa.
Nga të dhënat e depozituara në QKB, për 2 vite kjo kompani ka arritur një fitim prej 210 mijë eurosh
Është fare e qartë se kjo kompani administrohet po nga Ajola Xoxa dhe stafi i saj duke përdorur emrin e Valbona Xoxa, e cila gjithë jetën ka punuar si mësuese në Liceun Artistik e sot del një biznesmene e suksesshme që në muaj e pare të themelimit të AVA STUDIO.
Pra siç e ndoqët, gjithçka është një projekt i nisur që në vitin e largët 2002, me themelimin e Byla-s e më pas Lëvizjes Mjaft. Synimi i pashfaqur ishte fuqizimi ekonomik i individëve të financuar nga SOROS e më pas forcimi i tyre, si në jetën politike por edhe në atë që ne sot e njohim si Drejtësia e Re. Kjo ishte vetëm një pjesë e saj, ku faktohen tentatkulat korruptive të Erjon Veliajt dhe Ajola Xoxes, për të përfituar imunitet për atë që me plot gojë mund të quhet Organizatë kriminale!
Natën e Mirë!
