I pari në Bundesligë me koronavirus, futbollisti i Shqipërisë i nënshtrohet testeve mjekësore pas infektimit të shokut të skuadrës

Klubi gjerman ka vendosur të kryejë testin tjetër mjekësor anti-koronavirus tek i gjithë ekipi dhe stafi teknik pas konfirmimit se futbollisti i tyre është infektuar me koronavirus. Kjo proçedurë do të kryhet ditën e sotme.

Lukas Kilian është futbollisti i parë i kampionatit gjerman, i cili është konfirmuar i infektuar me virusin COVID-19.

“Pas verifikimeve negative të trajnerit Stefën Baumgart, mbrojtësi Luka Kilian, i cili nuk është aktivizuar javët e fundit për shkak dëmtimi, rezultoi pozitiv me koronavirus. Në koordinim të plotë me autoritetet lokale, klubi i Padërbornit do të ndërmarrë masa shtesë kundër përhapjes së koronavirust. Nesër (sot), të gjithë futbollistët dhe struktura funksionale e skuadrës do t’i nënshtrohet testit anti-koronavirus”, shkruhet në njoftimin zyrtar të klubit të Padërbornit.