Janë zbuluar të tjera detaje nga operacioni “PASTRIMI”, ku u arrestua Xhevahir Troka si dhe dy të tjerë janë shpallur në kërkim për veprën penale të pastrimit të parave.

Sipas vendimit të gjykatës,  ndaj tre personave është caktuar masa e sigurisë ‘arrest me burg’ në mungesë, ndërsa ndaj dy të tjerëve masa ‘detyrim paraqitje’.

Gjithashtu, të akuzuarve u janë sekuestruar edhe pasuritë e tyre.

Vendimi i gjykatës Fier:

Me vendimin nr.62, date 01.06.2018, Gjykata e Shkalles se pare Fier ka caktuar ne mungese, masën e sigurimit “Arrest ne burg” dhe “Ndalim te përkohshëm për te ushtruar veprimtari te caktuar profesionale ose afariste” për shtetasit:

Shpëtim Cilotaj lindur dhe banues ne Fier.

Vladimir Cilotaj lindur dhe banues ne Fier.

Xhevahir Troka lindur banues ne Fier (i arrestuar sot).

Gjithashtu gjykata ka caktuar ne mungese, masën e sigurimit “Detyrim për t’u paraqitur ne policinë gjyqësore” dhe “Ndalim te përkohshëm për te ushtruar veprimtari te caktuar profesionale ose afariste” për shtetasit:

Agur Lazer Ciljotaj, lindur dhe banues ne Fier.

Jonida Ciljotaj, lindur dhe banuese ne Tirane.

Gjykata Fier vendosi sekuestro preventive ndaj pasurive te poshteshenuara, ne kuadër te procedimit penal nr.258 te vitit 2010, ne ngarkim Agur Ciljotaj, Shpëtim Ciljotaj, Vladimir Ciljotaj etj, te dyshuar për kryerjen e veprës penale te “Pastrim i produkteve te veprës penale”, te parashikuar nga neni 287 i K.Penal.