Inspektorati Shtetëror Shëndetësor kërkon rishikim të ligjit sa i përket masave ndëshkuese për subjektet që shkelin ligjin.

Inspektorati po kërkon ndryshime të ligjit si në ashpërsimin e masave, ashtu edhe për mos lejimin e cigares elektronike dhe të shishave në ambientet e mbyllura.

Sipas statistikave të  Ministrisë  së  Shëndetësisë, duhani është shkaktar për një në katër vdekje prej sëmundjeve kardiovaskulare.

Në rastet e tumoreve, ky ndikim është edhe më i lartë, duke arritur në mbi 83% të vdekjeve nga kanceri i mushkërive.

Në vendin tonë, përqindja ditore e duhanpirësve është rreth 48% nga meshkujt mbi 15 vjeç, por vihet re një tendencë uljeje.

Ndërsa te gratë, ka një tendencë rritjeje nga 5, në 10%.