Këshilli Mbikëqyrës i Bankës së Shqipërisë ka ndërmarrë disa masa përballë lëkundjes së fortë të tregut të këmbimit valutor, duke ulur sërish normën e interesit si dhe duke ndërhyrë në tregun e këmbimit valutor për të frenuar zhvleftësimin e mëtejshëm të euros në tregun shqiptar.

Gent Sejko, Guvernator: Këshilli Mbikëqyrës vlerëson të nevojshëm lehtësimin e politikës monetare. Ky vlerësim është në konsistencë të plotë me qëndrimet tona të mëparshme. Në këtë këndvështrim, Këshilli vendosi të ulë me 0.25pikë përqindje të normës bazë të interesit duke e çuar në masën 1%. Këshilli Mbikëqyrës vendosi ndërmarrjen e operacioneve të blerjes së valutës në tregun e brendshëm valutor. Operacioni i blerjes së valutës do të eliminojë tepricën e valutës në treg, dhe forcimin e kursit të këmbimit.