Policia e Fierit ka vënë në pranga ditën e sotme një të shpallur në kërkim, pasi ishte i dënuar me 25 vite burg për vrasje.

Siç bëhet me dije, është arrestuar nga policia Kadri Rustemi, 79 vjeç, banues në Lavdan, Mallakastër.

Ai është dënuar me 25 vjet burgim për veprat penale "Vrasje me dashje" dhe "Vrasje me dashje e mbetur në tentativë".

Kadri Rustemi, në datën 26.07.1991 ka vrarë me armë gjahu Xh.H dhe ka tentuar të vrasë shtetasin A.H, banues në Mallakastër.

Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme proceduriale.